أَلْهَاكُمُ التَّكَاثُرُ (1) حَتَّى زُرْتُمُ الْمَقَابِرَ (2) كَلَّا
سَوْفَ تَعْلَمُونَ (3) ثُمَّ كَلَّا سَوْفَ تَعْلَمُونَ (4) كَلَّا لَوْ
تَعْلَمُونَ عِلْمَ الْيَقِينِ (5) لَتَرَوُنَّ الْجَحِيمَ (6) ثُمَّ
لَتَرَوُنَّهَا عَيْنَ الْيَقِينِ (7) ثُمَّ لَتُسْأَلُنَّ يَوْمَئِذٍ عَنِ
 النَّعِيمِ (8)

التكاثر مش معناه اننا نعد نجيب فى عيال و اولاد و بنات، لاء.
التكاثر المقصود هنا هو الزيادة، الزيادة فى كل شئ، تكاثر فى المال-تكاثر فى الاملاك- عايز يبقى عندى و عندى و عندى، العيال عزوة هات عيال، تكاثر فى البنين، الفلوس بتقوى القلب و الى فى جيبه قرش يسوى قرش، تكاثر فى المال و اجمع مالك و عدده،
تكاثر تكاثر تكاثر و اتلهينا،
روحوا اسألوا اهل المقابر فين تكاثرهم، راح فين مالهم و عيالهم و املاكهم.
الهاكم التكاثر يا بنى البشر، يا بنى آدم.
كلا لو تعلمون !

نعلم ايه يا رب!

اد ايه الدنيا دى فانية و ملهاش اى تلاتين لازمة، اد ايه التكاثر الى الهاكم دة ولا ليه اى وجود و فى زوال، مُجرد تراب.
 

و ايه يعنى لما نعيش ايام زى الزفت ؟
طب ماحنا بنعيش ايام حلوة بردك !
يعنى انا مثلا من شهر كدة روحت قضيت اسبوع فشيخ فى العجمى .
و بعدها بيومين روحت قضيت اسبوع افشخ فى المعمورة .
و قبلهم الدنيا كانت بيس و حلوة و تمام " على ما اظن مش فاكر "
اغلب ايامى نصها حلو و النص التانى مضروب بالشبشب .
فعادى يعنى . و ايه المشكلة لما نبقى فى ضنك . ماحنا ياما صرفنا !
ايه يعنى لما يبقى عندنا مشاكل . ماحنا ياما هلسنا !
ايه يعنى لما يبقى فى اى حاجة . ماحنا عشنا كل حاجة !

ماهو اصل لازم يبقى فى وحش . عشان يبقى فى حلو .
هو اينعم الوحش واخد حقه بزيادة . بس دة ميمنعش ان بردك فى حلو .

يعنى انا مثلا بعيش ايام زى الزفت و ظروفى زى الخرا . بس دة ميمنعش ان دماغى حلوة و عندى احلام و طموحات . و مجرد ما بتجيلى فرصة بستغلها صح .
هو اينعم فى حاجات كتير اتاخرت اوى و مفيش حاجة باينلها ملامح . بس محدش عارف بكرة جايب ايه !

#عليا_الطلاق_ما_هيأس . #احا . #مكمل_يا_ولاد_المرة

من مقومات السعادة كمان انك متنتظرش انها تجيلك من برة ، من شخص او غيره
، متطمحش فى اشخاص
زى ما بيكونلك لحظات سعادة و لحظات تعاسة ، اوقات بتكون فيها فى اوج فرحتك و نشوتك و اوقات تانية فيها روحك فى سابع ارض .
الشخص التانى كذلك هو كمان ليه تغيراته النفسية الخاصة بيه و حالاته المزاجية المختلفة .
سعادتك هى انت . انت و بس

فيها ايه لو عملنا كافيه متعلق جواه يافطة " ممنوع الكلام " ، " برجاء غلق الهاتف و اى اجهزة تواصل " !
و يكون الكافيه دة منعزل عن اى مؤثرات خارجية ، اصوات ، اضواء .
مفيش ويتر ، مفيش حد بيخدم حد . عايز تعمذ حاجة قوم اعملها بنفسك ، بدون كلام . متتكلمش .
و الجلوس فى الكافيه دة ليه حد ادنى ساعة و حد اقصى ٣ ساعات .
من ساعة ل ٣ ساعات بدون كلام ، بدون اصوات ، اضواء خفيفة خافتة ، قدامك طفاية السجاير ، ممكن تقوم تعملك فنجان قهوة او كوباية شاى . اكل لاء .
و ترجع تعد تانى مكانك تشرب شايك او قهوتك مع سجارتك ، فى سكوت .
#سكوت

{ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ } الاية (21) من سورة الروم .

ربنا لما اتكلم عن علاقة الزواج مربطهاش بحب او عشق ،
ربطها بالسكون و المودة و الرحمة
" مودة و رحمة "
اكم من حبايب و عشاق مطلعين دين ام بعض و على طول فى مشاكل و ضغوط !
بدون احترام متبادل ما بينهم ، مبيسمعوش بعض ، مبيقدروش بعض ، مبيرحموش بعض و كل واحد عايز يركب التانى و يدلدل و يكون هو . هو و بس .
مش اى علاقة حب فيها مودة و رحمة .
لكن اى اتنين بينهم مودة و رحمة فى بينهم حب
الحب جزء من المودة و الرحمة
الحب لوحده مش اساس لعلاقة زواج ، او غير زواج كمان الحقيقة
احترام ، تفاهم ، تقدير ، عطاء
مودة و رحمة

من اول السطر

و نقول تانى نقطة و من اول السطر و السطر يجرى زى القطر نحط سن القلم ع الكراس يحكى حكاية حب ماتت خلاص يحكى سنين و سنين و سنين و يقول انين فى حكاوى حنين يحكى قلب مات و انكسر ولا يقول موال فى واحد حب ناس بايعينه بقلوبهم ناسينه و يحط تانى نقطة و يرجع اول السطر يقول كان يا مكان و اشهد يا زمان على عمرى الى عدى قوام طب فاكر يا زمان لما كان و كان و كان ؟ طب فاكر حبايبنا الى كانوا لينا فى الدنيا امان ؟ و يمشى قلمى و يخلص حبره و لسة جوايا اسئلة .
بصيت لحالى و قولت مالى يا عالم فى ايه مش كدة . وعدت ناس و ودعت ناس و فى الدنيا ولا فين المشكلة .
شردت منى و نسيت شرودى ببوسة كانت ع البحر فى الخفا و لمسة ايد بعد شوق متلهفة و دة حضن و ايه تانى طب ليه يانى يا دنيا فى قلوبنا بقت المشكلة
و مسكت قلمى و بدأت ارسم لقيتنى بكتب
” من اول السطر “

بحثت كثيراً عن زمن اعيش به ..
بحثت عن زمن به إناس يمكننى فهمهم .. او على الأقل يمكنهم هم فهمى .. و لكنى لم أجد
تمنيت الصدق .. و لو للحظة .. و إن كان مع نفسى .. و لاكن لم اناله
فتحت صفحة ذكرياتى ابحث عن ذاتى .. فأنا تائه وسط افكارى التى تسئلنى من انا
من اين ابدء ؟
ابدء من تاريخى الذى صنعته وسط السراب ؟
ام ابدء من حاضرى الذى لم اعلم عنه شيئاً سوى انه ايام تمر علي و انا اتسائل من انا ؟
ولاكن ما اعلمه الى الآن .. اننى .. ليس مجرد انسان

انا مين !

سؤال سألته لنفسى كتير .. انا مين . و ليه . و ازاى . . ..
ليه مكونتش واحد تانى غيرى ؟
طب هو انا لو كنت حد تانى غيرى كنت هبقى عامل ازاى ! . كنت هبقى مبسوط ؟ ولا برده كان هيبقى عندى مشاكل ؟؟ طب كنت هبقى عايش فين ؟ ابويا و امى كانوا هيبقوا مين ؟؟ يا ترى لو كنت حد تانى غيرى كنت هفكر برده انى لو كنت حد تانى غيرى كنت هبقى عامل ازاى ؟؟
سعات مخى بيشطح لبعيد اوى .. يمكن يكون فى اغلب الوقت دة لو مكنتش طول الوقت بفكر بنفس الاسلوب .. فكرة انى لو مكنتش انا كنت هبقى عامل ازاى !
يعنى مثلاً لو كنت اتولدت فى الصين مثلا و ابويا و امى كانوا صينيين كنت هبقى شبه الصينيين و كنت هبقى بتكلم صينى و بفكر بالصينى . . بس اكيد بما انى مش صينى و مش عارف اصلا الصينيين بيفهموا بعضهم ازاى انى كدة كويس .. الحمد لله يعنى انى مش صينى عشان اكيد مكنتش هفهم كلامهم و كنت هبقى عامل زى الاطرش فى الزفة .
( انا واخد بالى انك مش فاهم حاجة و بتقول عليا اهبل )
بس تعالى بجد نفكر كدة شوية و نشوف احنا ليه فى مكنا دة .. انا ليه لما اتولدت لقيت نفسى مصرى ! و ليه لقيت ابويا و امى مسلمين ؟ و ليه انا كمان مسلم !! .. طب ابويا و امى مسلمين انا مالى ؟ يجبرونى ليه و يكتبوا فى شهادة الميلاد انى مسلم و يخلونى اعلم فى البطاقة على ان الديانة مسلم !! تفتكروا دة لوى دراع ؟
حتى انت كمان لو كنت مسيحى .. مسئلتش نفسك انت ليه مسيحى ؟؟
مفكرتش تسألهم هو احنا مسايحة ليه ؟ و ليه احنا مش مسلمين ؟ و مين الى اختارلنا دينا دة ؟
انا مش بهيس ولا بهزى . انا بس بفكر بعقلى . مانا اصلى مينفعش ابقى زى البهيم مش فاهم حاجة و ماشى و خلاص ..
طب انا جيت الدنيا . و ماله اهو حاجة معرفش سببها و ادينى جيت و خلاص . مين فكر يسئل نفسه هو جه الدنيا ليه اصلا ؟؟ جى تعمل ايه يعنى !! ايه الهدف من دة ؟؟
هيطلع واحد حافظ مش فاهم يقولى جينا نعمر الارض . اقوله قشطة طيب بعد ما نعمر الارض و بعدين ؟ خلاص عمرتها ” برغم تحفظى على كلمة تعمير دى و هبقى اقول رأى فيها بعدين ” ..
واحد تانى فزلوك هيكومنت و يقولى ربنا خلقنا عشان نعبده .. . بس لامؤاخذة هو ربنا مستنى عبادتك ليه ؟؟ يعنى عبادتك لربنا هتنفعه ب ايه و عدم عباردتك لربنا هتضره فى ايه ؟؟
السؤال باختصار .. انت اتخلقت ليه ! و ليه انت موجود فى المكان دة بالذات فى الوقت دة بالذات بالفكر دة بالذات !!

هى : احمد مش الى بينتحر مش بيموت غير لو ربنا مقدرله طب ليه بيدخل النار ما هو اصلا مش بيتحكم فى حياته ما هو ربنا لو عايزه يدخل النار هيسيبه يموت صح ؟
  هو انا ربنا بيحبنى عشان كل مره بحاول بفشل و لا مش بيحبنى و عايز يعذبنى ؟
 طب انا ليه ضعيفه لدرجه انى حتى مش قادره اعيش على طول جوايا رفض للدنيا ليه بفهم كل حاجه بمليون معنى و بيتعبنى التفكير ليه مش بنام مرتاحه مش بفكر فى حاجه هو انا كده عايشه ؟ بيقولوا دى اسعد ايامنا هو العقل ده نعمه ؟؟ انا مش عايزاه 
  انا كبرت ليه اصلا ؟
من جوايا رافضه كل حاجه و فى نفس الوقت مستسلمه بخاف من النظرات اوووووى ... بحس انها بتقتحمنى
 انت فاهمنى صح ؟ عارف لو مش عندك وقت متردش انا مش عايزه رد انت بس احسن حاجه فيك انى بحسك انا او يمكن لو اتكلمت مع نفسى هلخبطها اكتر .

انا :

صباح الخير يا بنت المجنونة اولا :)

انا مبسوط انك بتفكرى بالشكل دة

و بتسئلى الاسئلة دى

انتى على الطريق الصح :)

من وجهة نظرى الى ربما تكون غلط و ربما تكون صح . الله اعلم . ان لكل أجل كتاب

كل واحد مكتوبله هيعيش كام سنة و كام يوم و كام ساعة و كام ثانية

محاولات الإنتحار ربما تفشل و ربما تصيب

المقياس لدة ايه ! مش عارف و مش قادر افهمه

يعنى مثلا لو واحد رمى نفسه من الدور العاشر . احتمالات نجاته هتكون اد ايه !

فى موت سريع و فى موت بطئ

واحد مثلا شنق نفسه . نسبته نجاته اد ايه ؟

الغريب فى الموضوع بقى ان محدش يقدر يجزم بان الى يرمى نفسه من الدور العاشر

او يشنق نفسه

انه هيموت بالفعل

شخصيا حصل معايا شئ خلانى اعيد حساباتى فى كل شئ

من بتاع 5 او 6 سنين كدة

كنت بمر بأزمة نفسية عنيفة شوية و نوبة اكتئاب حادة خلتنى انصب لنفسى مشنقة على الجانش بتاع النجفة الى فى اوضتى و الى ياما علقنا عليه خرفان و عجول

و انا كلى على بعضى مكملتش ال 70 كيلو

و الى حصل ان الجانش اتفتح

مش اتكسر

ولا وقع

لاء

الحديد اتفرد

!!!!

شئ خلانى مذهول

استحالة يكون دة حصل من نفسه

دة لو بشر كان اتدخل و حاول يعمل كدة مكنش قدر

دى قدرة و قوة اكبر

و ادينى اهو

مموتش

بمشيئة ربنا

الى عايزنى اكمل فى الحياه الدنيا

طب انت عايزنى اكمل ليه يا رب ؟

دة السؤال بقى

انت عايزنى اكمل ليه يا رب !

معتقدش انه غاوى يعذبنى يعنى

اصله هيستفاد ايه يعنى لما يعذبنى !

هيستفاد ايه من وجودى فى الدنيا اصلا

ماهو لو عايز يعذبنى كان سلب منى الحياة

و الى هى فى الحقيقة اعظم موهبة فى بنى آدم من ربنا

موهبة الحياة

الحياة ربنا وهبلنا و قال سيروا في الأرض فانظروا كيف بدأ الخلق ثم الله ينشئ النشأة الآخرة إن الله على كل شيء قدير

سورة العنكبوت الاية 20

ماهو قادر يسلب مننا الحياة دى و الى هى فى الحقيقة فرصة مدهالنا ليبلوكم أيكم أحسن عملا وهو العزيز الغفور

ياخد مننا موهبة الحياة و نكون شئ منسى فى الدنيا . ميكونش لينا وجود

و تبقى روحنا عنده

وسائل التعذيب هناك اكتر

نار بقى و بتاع و نشوف ايام سودة

وقتها بقى كان لازم وقفة كدة

و نشوف هو ايه الحكاية بقى

هو ربنا قالك " سيروا في الأرض فانظروا كيف بدأ الخلق "

و هو دة بقى مربطالفرس

كيف بدأ الخلق

انت خلقتنا ليه يا رب

هنا رد عليكى و قالك " أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ " ؟

هو انتوا فاكرين انى خلقتكم كدة و خلاص و انكم مش هترجعوا ليا

لاء اصحوا كدة و فوقوا

امال فى ايه طيب !

انا عايز اعرف

عايز افهم

عايز اوصل

كل الى انتى فيه دة طبيعى

دة هو دة عين العقل

اسئلتك دى انتى بس الى تقدرى تجاوبى نفسك عليها

انتى بس و مش حد غيرك

انظرى كيف بدأ الخلق

امسكى كتب تاريخ الانسانية و دورى فيها

بصى ع الناس حواليكى و دورى فيهم

تأملى الحياة

حقيقى مش بهزر

تأملى الحياة

هتلاقي فيها حاجات لا يمكن تكون طبيعية

اخرجى من مخزنك الى مخزنة نفسك فيه

انزلى و اخرجى و سافرى و اتنططى

متضيعيش فرصة تقدرى تشوفى فيها شئ او تعيشى فيها لحظة جديدة

اتعرفى على الحياة بشكل اقرب

على خلق الله

خلق الله من كل شئ

ارض و سما و بحر و ناس و زرع

و طيور

كله كله

هتعرفى معنى الجمال

ربك لما خلق الارض خلقها جميلة

بس احنا ولاد وسخة

خلناها اقبح ما يُمكن

معنى انك لسة عايشة

و لسة فيكى نفس

برغم محاولاتك التخلص من حياتك

يبقى فى سبب قوى من ارادة ربنا فى بقائك

السبب دة موجود جواكى

فى موهبة ربنا واهبهالك

ابعدى عن القبح و قربى من الجمال و الفطرة الى ربنا خالقها و ادى لنفسك الفرصة انك تفهمى

اما بقى بخصوص السعادة

فـ الموضوع فى غاية السهولة

اعرفى قدراتك ايه

و احلمى احلام تتناسب مع قدراتك

و حققيها

هتنتشى

قمة النشوة و السعادة هى نشوة الانتصار

الانتصار بتحقيق انجاز شخصى

الى ممكن يكون حاجات بسيطة جدة

و ممكن يكون حاجات كبيرة جدا

انك يبقى نفسك فى اكلة و تجمعى اصحابك و تاكلوها مع بعض دة انجاز

انك يبقى نفسك فى خروجة او مكان تروحيه و تلمى اصحابك و تروحى دة انجاز

انك تقرى و تعرفى معلومة جديدة او تفهمى شئ مكنتيش فهماه دة انجاز اكبر

انك تحلمى . و تحققى حلمك دة انجاز عظيم

السعادة هى مقدار الرضا عن النفس

مقدار الرضا عن النفس = الرغبة فى تحقيق شئ - الى تحقق فعلا من الشئ دة

مقدار سعادتك بيتناسب طرديا مع حجم حلمك

كل ما كان حلمك اكبر كل ما سعادتك هتكون اقل

لان طريقك هيكون طويل

 الخلاصة فى كل الكلام دة :

 " حياتك فيلم طويل لسة أحداث كتير المفروض فيه يحصلوا 
.. حياتك فيلم جميل ، يا تقعد ع القهوة وتتفرج عليه ياتقوم حالا وتمثله . 
إركب قطر الدنيا .. طلع راسك من شباكه عشان تتفرج ، و اوعاك تزعل لما دماغك تخبط في العواميد و سنينك تتدحرج من شباك القطر . 
في لعبة الحياة .. لما حاجة تزعلك أرجوك ماتكتئبش 
.. هي اللعبة كده مافيهاش حلول وسط .. يا تتلعب يا ماتتلعبش . 
للأسف مشكلتك مالهاش حل .. جنونك عاقل جداااا .. بس عقل العاقلين من حواليك . مُختل " اقتباسات من منمات غجرية