الخميس، 16 مايو، 2013

عن الوحدة ( بكسر الواو )


 عن اللحظة الى يتوه منك فيها الكلام .

عن اللحظة الى وهمك فيها بيهيئلك ان تليفونك بيرن و تجرى عليه تلاقيه زى ما سبته .
عن اللحظة الى بيبقى نفسك تبكى فيها . بس دموعك بتخونك و مبتنزلش .

حتى دموعى !

عن اللحظة الى يتوه منك فيها الكلام .

.. عن صحاب طلعوا مش صحاب .
و احباب طلعوا مش احباب .
عن ناس باعت و ناس فارقت و ناس سبناهم و ناس ضيعناهم

عن ناس ميتعوضوش .

عن لحظة تغمض فيها عينك تعصرها بصوابعك .

عن مليون قناع و 100 وش .

عن ضحكة من هَم .
و ابتسامة على غَم .

 عن حلم لسة طريقك فيه طويل . ماشى فيه لوحدك

عن حيرة جواك . يا ترى انا الى صعب ولا محدش عايز يفهم

عن اغنية لمنير .

عن اللحظة الى يتوه منك فيها الكلام .

ليست هناك تعليقات:

إرسال تعليق